जिल्ला आयुर्वेद स्वास्थ्य केन्द्रको समग्र जानकारी

१. परिचय

जिल्ला आयुर्वेद स्वास्थ्य केन्द्र, सोलुखुम्बु एक सरकारी स्वास्थ्य संस्था हो, जसले स्थानीय समुदायलाई गुणस्तरीय आयुर्वेदिक स्वास्थ्य सेवा प्रदान गर्दै आएको छ। यस केन्द्रले रोगको रोकथाम, उपचार तथा स्वस्थ जीवनशैली प्रवर्द्धनमा महत्वपूर्ण भूमिका निर्वाह गर्दै आएको छ।

२. सम्पर्क विवरण

ठेगाना: सोलुदुधकुण्ड नगरपालिका ६  सोलुखुम्बु
फोन: ०३८५२००२५
इमेल: dahcsolukhumbu@gmail.com

३. सेवा समय

सोमबार - शुक्रबार: बिहान ९:०० बजे देखि बेलुका ५:०० बजे सम्म
शनिबार तथा सार्वजनिक बिदा: बन्द

४. उपलब्ध सेवाहरु

• बहिरङ्ग सेवा (OPD)
• पञ्चकर्म सेवा
• जेष्ठनागरिक सेवा
• स्तनपायी आमा सेवा
• आयुर्वेद औषधि वितरण सेवा
• प्रयोगशाला सेवा
• योग तथा परामर्श सेवा

५. सेवा शुल्क

OPD दर्ता शुल्क: निःशूल्क
अन्य सेवाहरु: नेपाल सरकारको नियम अनुसार निःशुल्क तथा सशुल्क उपलब्ध 

६. सेवा प्राप्त गर्ने प्रक्रिया

१. दर्ता कक्षमा गई OPD टिकट लिनु
२. आयुर्वेद चिकित्सकबाट स्वास्थ्य परीक्षण गराउनु
३. रोगको पहिचान गरी आवश्यक औषधि सिफारिस गरिने
४. सिफारिस गरिएको औषधि प्राप्त गर्नु (निःशुल्क )

७. सेवा प्राप्त गर्न लाग्ने समय

• दर्ता: २-५ मिनेट
• चिकित्सक जाँच: १०-१५ मिनेट
• औषधि वितरण: ५-१० मिनेट

८. गुनासो व्यवस्थापन

कार्यालय परिसरमा गुनासो पेटिका उपलब्ध छ।
फोन मार्फत पनि गुनासो दर्ता गर्न सकिन्छ: ०२८५२००२५

९. लक्ष्य (Mission)

प्रभावकारी, सुलभ तथा किफायती आयुर्वेदिक स्वास्थ्य सेवा प्रदान गर्दै स्वस्थ जीवनशैली प्रवर्द्धन गर्नु   तथा  परम्परागत चिकित्साको संरक्षण गर्नु तथा आयुर्वेद सेवामा पर्यटन क्षेत्रको विस्तार, पर्यटनहरुको थकान र तनावब्यवस्थापनका लागि प्राकृतिक र पञ्चकर्म उपचार सरकारी स्तरवाट प्रदान, स्थानीय जडिबुटिहरुको प्रवर्धन गरि आर्थिक उपार्जन गर्न आयुर्वेद तथा वेलनेस पर्यटन प्रवर्धन कार्यक्रम लाई विस्तार गर्ने ।

१०. दृष्टिकोण (Vision)

पूर्वी नेपालको एक उत्कृष्ट र विश्वासिलो आयुर्वेदिक स्वास्थ्य सेवा केन्द्रको रूपमा विकास भई समुदायको समग्र स्वास्थ्य सुधारमा योगदान पुर्याउनु र आयुर्वेद तथा वेलनेस पर्यटन प्रवर्धन कार्यक्रम लाई विस्तार गरी आयुर्वेदको प्रवर्धन गरि आर्थिक उपार्जन तथा रोजगारी सृजना गर्नु ।

११. सेवाग्राहीका अधिकार र कर्तव्य

अधिकारहरु:

• सम्मानजनक र भेदभावरहित सेवा प्राप्त गर्ने
• रोग तथा उपचार सम्बन्धी स्पष्ट जानकारी पाउने
• उपलब्ध स्वास्थ्य सेवा उपयोग गर्ने

कर्तव्यहरु:

• केन्द्रका नियमहरुको पालना गर्ने
• सही स्वास्थ्य जानकारी उपलब्ध गराउने
• स्वास्थ्यकर्मी तथा अन्य सेवाग्राहीप्रति सम्मानजनक व्यवहार गर्ने